पृथकताको भावना हुनु हुदैँन -'आशमान थिङ्'

पृथकताको भावना हुनु हुदैँन 

आशमान थिङ्

हामी सबै एउटै मानविय परिवार हो भन्ने भावना जागृत गराउनुपर्छ । भाषा, जात–जातिका आधारमा पृथकताको भावना हुनुहुदैँन । आफ्नो देशको महानता थाहा छैन र यसको विकास र इज्जत जोगाउनेतर्फ विचार छैन भने शिक्षाको मतलब नै के भयो ? किताबी ज्ञानको केही महत्व हुँदैन । किताब अध्ययन गर्दा खर्च भएको शक्ति पछि गएर आकास्मिक रोग ( एलर्जी ) मा परिणत हुन्छ । शुद्ध, पवित्र र आर्दशमय काम उपयोगी हुन्छ । उपाधि प्राप्त गरेर जागिर माग्न जानु त साह्रै दयनीय स्थिति हो । आत्मनिर्भता बढाएर ईस्वरप्रति श्रद्धा राख्दै बिताउनुपर्छ ।
पढाइले बिहान–बेलुकीको छाक मात्र टार्नु त आधा काम भयो । बाकीँ आधा कामले जीवन अर्थपूर्ण र सुयोग्य बनाउनुपर्छ । बिद्यार्थीले बहुमूल्य शक्ति धेरैतिरबाट खेर गएको छ भन्ने कुराको ख्याल राख्नुपर्दछ । नराम्रो कुरो गर्ने, हेर्ने, सुन्ने, बोल्ने, विचार गर्ने गरी पाँच तरीकाबाट शक्तिको अपव्यय भइरहेको छ । हाम्रो हेर्ने शक्ति बहुमूल्य दैवी उपहार हो । यस्ता दैवी शक्तिको प्रयोग विचार पु¥याएर गर्नु बुद्धिमानी हुन्छ । हेर्ने काम नभएको कारण अन्धा मानिसहरुमा प्रशस्त शक्ति संचय भएको पाईन्छ । अन्धा मानिसहरु पनि धेरै जेहेन्दार हुन्छन् । आखाँ देख्ने मानिस दिउँसो फूर्तिसाथ हिँडछन् तर राति लड्खडाउँछन । अन्धाहरु दिन रात एउटै चालमा हिंडछन् । लाटा र बहिराको शक्ति बोल्न र सुन्नमा खर्च नभई बचत हुँदा तिनीहरुमा शक्तिको मात्रा बढी संचय हुन्छ ।
आजभोलिका विद्यार्थी जीराफ जनवारजस्तो एकठाउँमा टाँउको र धेरै पर मुटु भएका हुन्छन् । जीराफको लामो घाँटी भएकाले उसको टाँउको मुटुबाट टाढा हुन्छ् तर मानिसमा यस्तो हुँदैन । त्यसैले मानिसमा मन, वचन र कर्म यी तीनैको मेल हुनुपर्छ । 
ashamanthing111@gmail.com